› 選擇地區
三藩市
紐約
洛杉磯
其他美國地區
香港 台灣 北美
 
2018年12月14日

隔牆有耳:689獲放生 林鄭切燒豬 - 李八方

是我太過愛你、願意放生你……律政司噚日突然向前特首梁振英送上聖誕好消息,話因為證據不足,唔會就UGL案提出檢控。而喺689獲放生之際,林鄭月娥竟然切燒豬慶祝。吓?唔通佢唔怕下屆爭連任多返689呢個「勁敵」咩?

原來係賀創新辦入伙

不過林鄭點會隨便為「外人」切燒豬吖!政界無人不知,林鄭𠵱家最睇重嘅就係由馮程淑儀主理嘅政策創新與統籌辦事處,最新一份施政報告都由創新辦主理,可見角色幾咁重。而本來座落喺灣仔舊警署嘅創新辦,原來已經投入添馬艦懷抱,同林鄭以後更親密。

設喺政總西翼26樓嘅創新辦噚日舉行簡單入伙儀式,林鄭親自到場主禮,仲送上金豬祝賀,大批局長都有到場賀林鄭嘅獨家班底新居入伙。林鄭喺facebook話創新辦係本屆政府新猷,大讚「佢地(哋)嘅辦公室都好創新,打破常規,少分隔房間,多共享空間,鼓勵同事更多互動交流」。不過單係睇個辦公室有幾創新係冇用嘅,究竟創新辦係咪推動到政府打破舊思維、喺內部令到一班過去幾十年都按本子辦事嘅公務員肯打破常規做嘢先重要。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載