蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月13日
馬上成為壹會員

拖至民心渙散 林鄭始公佈

林鄭月娥

【拆局】律政司昨日正式公佈不對前特首梁振英收取UGL 5,000萬元作出檢控。不少民主派直言在目前政治氣候下,再加上特首林鄭月娥近日對打壓港獨及異見越來越嚴厲,對她放生梁完全不感意外,他們均指出,由政府拍板不控告梁,到林鄭拖到昨日才宣佈有關決定,均是出於政治考慮,「林鄭應該覺得香港人唔會再因呢件事出嚟抗爭,唔會再影響佢民望,所以拖到𠵱家公佈」。

相關新聞:梁家傑狠斥:砌詞助開脫

上京述職領功

事實上早在林鄭月娥上任之初,梁振英支持者已說新政府不會檢控梁振英,「佢哋話梁振英係政協副主席,反港獨有功,中央一定保佢」。今年年初農曆新年期間,無綫新聞曾報道律政司決定不檢控梁振英,但律政司隨即否認,有政界人士表示,事後有傳其實當時政府已決定不會作檢控,「只係政府高層認為未係時候公佈」。

該政界人士相信,林鄭一直等待一個合適時機公佈決定,「即係市民反彈最細、對佢個人民望影響最小」,他認為經過兩次立法會補選,民主派均未能動員更多群眾出來投票,「畀林鄭睇到原來好多香港人已經選擇唔出聲、民主派亦動員唔到群眾,即使佢公佈唔告梁振英,香港人亦唔會再因呢件事出嚟抗爭」,再加上林鄭即將上京述職,若可在述職前解決檢控梁振英問題,「佢又可以交多一張單畀中央,幫北京拆埋呢個炸彈,自然又立一件功勞」。
■記者莫劍弦

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載