› 選擇地區
三藩市
紐約
洛杉磯
其他美國地區
香港 台灣 北美
 
2018年12月13日

爆相爆片:港鐵癡漢被擒 求「畀次機會」

港鐵人多擠逼,經常出現各類怪客,最新呢位哥哥仔竟公然喺港鐵站對住陌生女性做出猥褻行為?受害人盧小姐挺身而出舉報,癡漢仲苦苦哀求「畀次機會!」

讀者盧小姐周一(10日)約咗朋友喺黃大仙食晚飯,去到閘口盧小姐行埋一邊用手機搵路,「突然發覺有個人貼住我企,我行過啲,佢又行埋啲」。雖然當時係傍晚6點幾放工時間,但未至於企到人逼人,盧小姐抬頭見到一名男子望住自己,隻手伸入褲襠有所動作,由於癡漢揹住背包,盧小姐擔心佢有攻擊性武器於是走人,「佢追住我,隻手仲喺條褲入面」。

盧小姐向港鐵職員求助,癡漢即時走落月台,職員陪盧小姐去月台捉人,「佢突然彈出黎,自我介紹『我叫陳XX』呀!」兩名港鐵職員將癡漢捉住,對方見衰咗即哀求「畀次機會吖!」警員到場後以公眾地方行為不檢拘捕該名姓陳(37歲)男子。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載