› 選擇地區
三藩市
紐約
洛杉磯
其他美國地區
香港 台灣 北美
 
2018年12月05日

爆相爆片:愛情動作片 老蘭上演

蘭桂坊上演真人騷?市民錢先生周一凌晨1點幾,行經中環蘭桂坊德己立街娛樂行商場對開,就見到成班人圍住一間店舖玻璃櫥窗係咁笑,就好奇咁走去睇吓乜事啦。點知就見到一個年約30零歲嘅外籍女同華裔男子坐喺度激戰,他形容當時女上男下,戰情相當激烈,兩人都十分忘我咁。

錢先生話當時嗰對男女慾火焚身,外籍女坐喺男伴身上狂嘴對方,身體又不停上下郁動,男伴都唔弱,當街伸手入女方衣衫內不停遊走。

阿錢生就話,呢對男女當街纏綿咗五分鐘,圍觀嘅人越嚟越多,有人開始拍片、有人一邊吱吱斟,之後嗰對男女終於發現自己成為焦點,就好匆忙咁整理衣衫,然後互相扶對方起身走向地鐵站離開。錢生話兩人離去時腳步浮浮,應該飲咗唔少酒,估計都係酒後亂性累事啦。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載