› 選擇地區
三藩市
紐約
洛杉磯
其他美國地區
香港 台灣 北美
 
2018年11月27日

爆相爆片:Sorry Sir唔跪地 打到上司瞓地?

觀塘警署嘅Sorry Sir,相信大家都唔陌生。舊年佢喺觀塘警署停車場,拎住「SORRY SIR」嘅紙牌,雙膝跪地,引起巿民熱烈討論。警隊盛傳佢噚日又有「傑作」,噚日流傳一張相,一個身穿白色恤衫嘅督察瞓咗喺觀塘警署地牢一條走廊嘅地下,傳聞話同Sorry Sir有關。

傳攞假失敗爆爭執

小記收到風,話噚日喺警署走廊倒地嘅白衫幫辦(督察),隸屬觀塘警署行動及支援小隊。消息話,Sorry Sir近年已經調咗去行動及支援隊處理內務工作,唔使行beat亦唔使陀槍。佢噚日申請假期嗰陣俾上司拒絕,雙方有爭拗,其間個幫辦突然跌倒瞓喺地下。不過有現場目擊者話見唔到佢哋兩個人郁手,可能只係有人唔小心跌倒,倒地嘅幫辦之後送院檢查。

Sorry Sir係高級警員,入職警隊大約20年,綽號「番薯」,先後喺多個警區、機動部隊(PTU)同埋衝鋒隊工作。佢之前懷疑因為超時津貼嘅問題同指揮官鬧得唔係幾開心,雖然件事最終解決咗,但因為種種原因佢一直耿耿於懷。舊年佢曾經喺觀塘警署拎住「SORRY SIR」字句嘅紙牌,喺停車場雙膝跪地,有人懷疑佢呢個舉動係向指揮官辦公室作無聲抗議。有人將當時情況影低擺上網後被瘋傳,成為城中熱話。

到今年5月,Sorry Sir再喺觀塘警署停車場,舉起寫住「貪腐」嘅標語示威。最近一次舉動係上個月,佢再次喺觀塘警署外面,舉起寫上「SORRY SIR 我喺(係)警察部嘅恥辱」標語。

爆相爆片

爆相畀$500、爆片送$1,000嘅基本獎賞外,仲會選出每周之星,每星期最高單日總點擊頭5名即刻科水$10,000,而每月15號至翌月14號期間獲得全月最高單日總點擊者,更可以成為每月盟主,額外獎賞$100,000,係$100,000!爆相爆片必須為本報獨家採用,一經刊登立即有獎!

爆相爆片WhatsApp:6383 6568

參加細則

1.爆相爆片必須由參加者拍攝。
2.若本報發現任何造假情況,將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利,如有任何爭議,以本報決定為準。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載