› 選擇地區
三藩市
紐約
洛杉磯
其他美國地區
香港 台灣 北美
 
2018年11月27日

隔牆有耳:勝選欣.為背後三個男人 - 李八方

由傳媒人變政助,再由政助變成立法會議員,無政黨嘅陳凱欣喺建制派動員下勝出九西補選。每個成功男人背後總有一個女人,成功踏上從政路嘅陳凱欣背後則至少有三個重要男人……唔計佢老公邱文華。

其實建制派九西補選首選係食衞局前局長高永文,高say no之餘推薦愛將、前政助陳凱欣上場;如果冇民望高嘅推薦同鼓勵,相信陳未必跳入政界,第一個關口,就由民望高陪着佢走。至8月正式報名後,陳凱欣身邊陪伴在側嘅雖然仲有「老是常出現」嘅民望高,但孖咇出動嘅卻係3.11勝出九西補選嘅民建聯鄭泳舜。有指鄭補選戰贏得漂亮,陳凱欣有份助選,中聯辦對陳欣賞不已,呢次輪到陳作戰,鄭就換轉角色助選。

民建聯前秘書長做軍師

最重要關口當然係衝閘,凌晨陪同陳凱欣等點票結果嘅除上述兩男,仲包括民建聯前秘書長簡志豪。係人都知陳要靠建制鐵票先勝選,擔任陳選舉代理人、負責操盤嘅簡志豪等待點票時曾攞出手機,屏幕顯示名為「1125戰鬥組」群組有人發出「十萬零三」訊息,簡則以計算機顯示13444數字,而陳最終多過李卓人逾1.3萬票,呢組數字認真有意思。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載