蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月25日
馬上成為壹會員

陳凱欣無政績 靠建制元老箍票

【本報訊】立法會九龍西補選今日舉行,代表建制派出戰的陳凱欣昨馬不停蹄到各區拉票,不時與市民自拍大打親民牌,又聲言選情告急及嚴峻,籲支持者投票。連日來陳獲多名前高官、建制派星級人馬撐場,連基本法委員會前副主任梁愛詩昨也到美孚街站幫她派宣傳單張,務求箍實建制派票源。學者指陳凱欣過去無政績可言,建制派新舊明星盡出,「可以睇到陳凱欣位置不穩……如果贏緊就唔需要搵晒嗰啲人出嚟(拉票)」。

陳凱欣曾稱是獨立無黨派,又稱「外界點樣形容,冇問題」。但早前舉行的造勢大會,她終首次承認自己是建制陣營,而大班建制中人再無避忌,連日為陳催票。陳凱欣昨在投票日前最後拉票,先後到海麗邨、保安道街市及石硤尾等擺街站,獲民建聯立法會議員鄭泳舜站台。她更不時與市民自拍、互相擊掌,大打親民牌。陳凱欣稱,近日各項民調均顯示她選情嚴峻,「今次有五個候選人爭一個議席,我覺得係補選以嚟最激烈嘅一次」。

相關新聞:建制敗選西環要孭鑊

梁愛詩落區派傳單

她重申最關注民生問題,若市民希望議會少爭拗、多務實及理性的聲音,應投她一票,「會跑多啲區、接觸多啲選民,擔心口講支持,(希望)要將呢份支持同信心化成選票行出嚟投票」。

連日來陳凱欣獲多名前高官、建制派星級人馬撐場,包括前保安局長黎棟國、前警務處長曾偉雄、連近年專注在大陸工作的藝人王祖藍、陳小春也為她拉票,昨日更出動梁愛詩這名建制派元老級人馬派單張籲市民支持陳,務求箍實建制派票源。香港科技大學社會科學部副教授成名稱,陳凱欣過去無政績可言,「佢個人冇咁嘅實力去贏,如果冇建制派撐場,佢輸嘅機會較大……根本就係建制派搵佢出嚟,目的係要封殺泛民」。他又稱,連日來建制派新舊明星盡出為陳站台,「可以睇到陳凱欣位置係不穩,唔係實贏緊,如果贏緊唔需要搵晒嗰啲人出嚟(拉票)」。

其他參選人包括李卓人、馮檢基、伍廸希及曾麗文。

■記者譚靜雯

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載