› 選擇地區
三藩市
紐約
洛杉磯
其他美國地區
香港 台灣 北美
 
2018年11月23日

隔牆有耳:補選拉票 曾偉雄黃之鋒撞到正
街坊唔識分 禿鷹當基伯 - 李八方

立法會九龍西補選今個星期日就舉行,民主派同建制派均出動知名人士喺最後關頭幫手拉票,其中建制派出動警務處前處長、有「禿鷹」之稱嘅曾偉雄,噚日朝喺黃埔為陳凱欣派單張拉票。最估唔到嘅係,企喺佢附近幫民主派代表李卓人拉票嘅人,竟然係當日佔領運動「雙學三子」之一嘅香港眾志黃之鋒,今次可謂「冤家路窄」撞到正。

黃之鋒:終於見到佢真人

黃之鋒噚日喺facebook話,噚日朝喺黃埔幫李卓人拉票時,發現現為全國政協的曾偉雄、建制派議員田北辰,均有現身為陳凱欣助選,黃之鋒話:「估唔到,連前警務處處長曾偉雄都落咗嚟,喺佢任內嘅警隊完全採用鐵腕管治,當年俾佢拉咗咁多次,終於見到佢真人。」黃之鋒又話,「不過睇嚟佢(曾偉雄)唔係好慣拉票,啲面部表情都有啲生硬,仲有街坊問我嗰個係咪馮檢基,可能髮型有啲似。」

除咗黃之鋒一早現身為李卓人拉票,公民黨黨魁「岳少」楊岳橋,噚晚喺立法會開完大會後,亦再為李卓人助選落區,親力親為將李卓人的單張送入選民信箱,都算認真唔話得。補選其他候選人包括馮檢基、伍廸希和曾麗文。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載