› 選擇地區
三藩市
紐約
洛杉磯
其他美國地區
香港 台灣 北美
 
2018年11月23日

爆相爆片:MK男團 捉實意式鹹豬手

旺角塘尾道天橋喺周三晚8點幾,有色狼出沒。有個外籍人士俾多個壯男截住唔准走,大批市民聚集圍觀,原來係有人懷疑手多多,涉嫌非禮一名女士。其他熱心途人經過見到,於是就幫手捉住個色狼交畀趕到嘅警員,帶返警署調查。

黃先生當時經過天橋,於是拍低咗條片,片中見到一個着藍色外套、留鬚嘅外籍男子,俾最少6、7人捉住,其間個外籍男子不斷掙扎想走,但咁樣俾人圍住,實走唔甩啦。其中一位着紅衫嘅正義哥,睇唔過眼有人涉嫌非禮,驚對方趁亂走甩,於是就叫其他幫手捉人嘅市民捉實啲,話個色狼好大力喎。

色狼摔爛女事主手機

嗰位紅衫正義哥仲義憤填膺咁,用廣東話爆粗鬧爆個色狼,表現得相當勞氣。不過個色狼係講英文㗎嘛,似乎就唔明對方粗口有幾勁囉。現場被人非禮嘅女事主好激動,喺度大嗌之餘仲喊㖭,正義哥就不斷同佢講:「冷靜啲先……你唔使驚㗎。」有其他女途人亦喺受害人身邊不停安慰。案發之後,警員接報好快就到場處理。

警方就話接到報案,當晚8點幾喺旺角亞皆老街與新填地街交界,發生一宗懷疑非禮案,受害嘅35歲女事主尾隨追截疑人,仲準備用手機報警期間,被對方搶走手機拋落地整爛。兩人喺亞皆老街與塘尾道交界嘅天橋上發生糾纏,女事主被推跌,途人就合力將男子制服。警員到場調查後,將涉案46歲持香港身份證嘅意大利男子拘捕,女事主同疑犯分別受傷及不適,一併送院治理。案件列作涉嫌非禮、襲擊致造成實際身體傷害及刑事毀壞處理,交由旺角警區刑事調查隊跟進。

爆相爆片

爆相畀$500、爆片送$1,000嘅基本獎賞外,仲會選出每周之星,每星期最高單日總點擊頭5名即刻科水$10,000,而每月15號至翌月14號期間獲得全月最高單日總點擊者,更可以成為每月盟主,額外獎賞$100,000,係$100,000!爆相爆片必須為本報獨家採用,一經刊登立即有獎!

爆相爆片WhatsApp:6383 6568

參加細則

1.爆相爆片必須由參加者拍攝。
2.若本報發現任何造假情況,將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利,如有任何爭議,以本報決定為準。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載