蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年11月19日
馬上成為壹會員

隔牆有耳:
候選人互「片」 
阿廸手語幫vs人哥靚空姐 - 李八方

九西補選倒數一星期,候選人密鑼緊鼓最後谷票,《蘋果》早前邀請5位候選人搵支持者拍攝拉票短片,睇吓邊啲粉絲最有心思?自稱「劏房阿哥」嘅伍廸希獲相識25年嘅朋友用手語為佢拍片助選,令非主流選民都可以認識到佢,認真破格;工運出身嘅李卓人就有港龍工會嘅一眾靚靚空姐空少現身支持。

伍廸希提供嘅宣傳片有畫無聲,但無聲勝有聲噃,佢有兩位朋友喺片中以手語拉票,其中一個話認識伍廸希已經25年,形容伍係一個相信「只要有決心,不斷努力,就能夢想成真」嘅人,至於另一個相識11年嘅朋友就形容伍相信人人平等,佢哋一齊呼籲九西選民支持伍廸希。點解用手語拍片?伍廸希同八方講,兩個都係工作上認識嘅朋友,其中一個係聾啞人士,佢都希望自己參選嘅訊息可以用唔同方法令任何人都知道,所以以手語為題。

馮檢基陳凱欣冇提供

代表民主派嘅李卓人就獲港龍工會嘅空姐空少為佢拉票,靚女空姐阿Jo話今次係佢第一次助選,形容李卓人同工會行咗好長嘅路,包括幫空姐爭取可以着褲,同埋延長退休年齡等,真係要多得阿人幫手成功爭取。

報稱獨立嘅候選人曾麗文,一直主打美孚反圍標苦主旗號,連支持者都有個工程師,身為工程師嘅黃順泰喺片中大頭登場力撐曾麗文「犧牲小我、堅持理念、追求公義」,又相信佢進入議會可以為市民發聲,呼籲市民多多支持。其他兩位候選人馮檢基同陳凱欣截稿前未有短片提供。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載