› 選擇地區
三藩市
紐約
洛杉磯
其他美國地區
香港 台灣 北美
 
2018年11月19日

陳健民:不會被強權擊倒

陳健民指比起很多人的大難關,其牢獄折磨有限。黎樹雄攝

佔中發起人之一陳健民即將走入證人欄作供,即使曾有律師勸阻,認為對官司不利,但他只着緊一點:「就係真誠去還原歷史,我就係講番清楚呢件事(佔中),點解我哋要參加。」

他的抗辯講稿寫了8頁紙,自嘲猶如寫論文,但長度不及另一被告戴耀廷,「我睇佢嗰篇,嘩!你寫論文咩,由頭解釋過畀律師聽乜嘢叫公民抗命,一寫寫15頁英文」。

相關新聞:朱耀明:冇乜嘢放唔低

「入去聽吓囚犯啲古仔」

陳健民將被控煽惑他人煽惑公眾妨擾等罪名,他指無法預料審訊結果,「個準備好簡單,就係講晒事實出嚟。我就要坐喺法庭,要上證人欄」。開庭前他的心情平靜,「我覺得件事都未嚟,你就要開始困擾,你咪即係加重咗刑罰?好多人為未來嘅事去困擾,禪修教人here and now(活在當下),當下囉」。

上月一名72歲佔領者被判監4個月,陳健民指自己亦有心理準備可能入獄,起初他買了6本厚厚的書留待獄中閱讀,近來又改變想法,「你做學者成世睇書寫書㗎啦,你入到監獄又係諗住寫書睇書?有冇搞錯。我𠵱家諗法係,入到裏面好好地明白經驗意義,我不如同坐監嘅人相處吓,聽吓佢啲古仔。我係咪可以係嗰度做啲嘢?譬如幫人寫信」。

陳健民常常勸慰家人,牢獄折磨有時限,身邊有更多人面對更大的難關,例如一位血癌朋友要做骨髓移植,「我同屋企人講你諗吓真正挑戰唔係我,係我呢位朋友啦,生與死佢係百分之五十,因為血癌要做骨髓移植,五十五十喎。我哋可能要受折磨有限,你會睇到時間,法庭最高判我哋7年」。

陳健民笑言,比起審訊現時更關注練跑,因為他決定參加人生首個半馬拉松,希望藉參賽為自己和身邊的人打氣,「你(政府)想用呢樣嘢(監禁)擊倒我呀?我唔會咁樣畀你擊倒㗎。我要有志氣,我要更加堅強」。
■記者潘柏林

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載