› 選擇地區
三藩市
紐約
洛杉磯
其他美國地區
香港 台灣 北美
 
2018年11月16日

爆相爆片:自編自導《頭文字D》
紅藍綠的齊集飄移

「頭搖又尾擺,飄移境界」,呢首歌當年真係好受愛車人士歡迎,香港無賽車場地,要飄移只可以睇戲或者打機,有網民為咗滿足飄移嘅慾望,好有心咁自製咗條片,仲放上網公諸同好,結果引起全城熱議,仲有人報埋警,連警方都話要查下真定假。

有關短片喺兩日前被放上網,隨即被瘋狂轉載,片中嘅場景係觀塘海濱公園,近絲寶國際大廈入口,拍片者首先影住公園入口介紹「呢度係觀塘海濱公園」。突然鏡頭轉向左邊,「嘩!呢度乜事呀?」三架的士高速駛至,睇真啲,竟然有齊紅、綠、藍三種顏色嘅的士,說時遲那時快,帶頭嘅紅色的士高速掟彎U turn,緊隨其後嘅綠的同藍的,都先後掟彎,由於速度好快,三架車都甩晒尾,好似睇緊《頭文字D》咁,而現場留低幾條又深又長嘅胎痕,仲出晒煙,拍片者大鬧:「黐線㗎,咁揸車嘅!」

相關新聞:爆相爆片:三色的聚頭 違反交通例

網民質疑電腦特技

短片放上網後引發網民激烈討論,有人質疑駕駛者罔顧道路安全,聲稱已報警,有人懷疑係拍戲,第三類人就估計的士飄移影片只係電腦特技。其實,大部份網民都異口同聲話:「好假!」眼利嘅網民留意到,三架車喺日光下都冇反光,而且車底嘅影,竟然可以遮住馬路上嘅黃線,亦有網民認為,拍片者無啦啦喺海濱公園門口舉機,太刻意,而三架的士同時飄移,但途人竟然十分淡定,望都唔望。但亦有網民讚製作者有心機。

小記噚日去現場望過,發現路上無胎痕。警方回應話,東九龍總區交通調查隊正了解事件,呼籲任何人如目睹事件發生或有資料提供,致電2305 7647聯絡調查人員。

爆相爆片

爆相畀$500、爆片送$1,000嘅基本獎賞外,仲會選出每周之星,每星期最高單日總點擊頭5名即刻科水$10,000,而每月15號至翌月14號期間獲得全月最高單日總點擊者,更可以成為每月盟主,額外獎賞$100,000,係$100,000!爆相爆片必須為本報獨家採用,一經刊登立即有獎!

爆相爆片WhatsApp:6383 6568

參加細則

1.爆相爆片必須由參加者拍攝。
2.若本報發現任何造假情況,將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利,如有任何爭議,以本報決定為準。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載