› 選擇地區
三藩市
紐約
洛杉磯
其他美國地區
香港 台灣 北美
 
2018年11月16日

隔牆有耳:法團大媽阻拉票 轉頭撐陳凱欣
小麗K.O.建制街霸 - 李八方

劉小麗連日朝早都喺九龍西長跑,幫代表民主派出戰補選嘅李卓人拉票,噚日朝早同跑步助選團喺美孚地鐵出口旁邊集合,準備由美孚跑到深水埗,呼籲巿民11月25日投票畀3號李卓人,點知呢個時候一名大媽突然聯同兩個美孚屋苑保安,要求佢哋離開美孚屋苑範圍。

陳沒否認指控

劉小麗喺面書話,該名大媽自稱法團禁止政治宣傳出現喺美孚屋苑範圍,一度強硬呼喝跑步團成員,連佢哋靜靜喺度等人集合出發都要鬧。但令人意外嘅係,劉小麗其後發現,該名大媽鬧完人後,轉個頭就現身代表建制派出戰補選的陳凱欣的助選街站,仲攞起5號牌,堂而皇之喺美孚邨內範圍派單張,幫陳凱欣助選,並喺劉小麗投訴後先離開。

劉小麗就喺面書狠批:「無恥之徒,莫過於此」,仲公開呢個大媽相片,呼籲巿民唔好受騙。至於被批評嘅陳凱欣,佢噚日朝早獲田二少幫手拉票,而佢就透過面書隔空回應劉小麗指控,不過佢冇認錯,亦冇否認劉小麗嘅指控,只係話:「即使再次面對無禮、惡意及肆意挑釁的對待,也不能打擊我們整個團隊的決心,反而堅定了我們的信念!」喎。西九龍候選人,仲包括馮檢基、伍廸希同曾麗文。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載