› 選擇地區
三藩市
紐約
洛杉磯
其他美國地區
香港 台灣 北美
 
2018年11月09日

馬會營運 諮詢委員會蒙在鼓裏

原定在大館舉辦的異見作家講座被迫另覓場地。張志華攝

【本報訊】位於中區的大館,前身是中區警署、中央裁判司署和域多利監獄,今年完成翻新,5月開放給公眾參觀。大館屬政府物業,由賽馬會成立公司管理。大館設有諮詢委員會,但對於馬建被封殺一事,委員在昨日傳媒報道後才獲館方告知。

大館諮詢委員會委員、民主黨中西區議員鄭麗琼表示,諮詢委員會每季舉行一次會議,主要監察大館工程進度、啟用後的人流控制及對社區關係的影響,大館日常運作管理包括文化藝術活動都不會諮詢委員會,「搞啲乜嘢活動,點樣揀團體同賣嘢嘅機構,從來唔會諮詢我哋,亦唔需要諮詢我哋,我哋亦冇權過問日常運作管理」。

相關新聞:曾居香港出版「禁書」

委員批評開壞先例

以今次事件為例,委員會事前未收到通知,至昨午傳媒報道事件後,委員才收到館方知會。鄭麗琼說,大館不應拒絕相關講座在大館舉行,認為一連串文學節活動都應該在大館舉行,「點解無端端要將個講座抽咗出嚟?我覺得呢個做法唔啱」。

她質疑今次是大館自我審查,「講真,呢嗰世界上面有邊樣嘢係同政治無關?會唔會不牽涉政治,齋講藝術文化?成個社會結構一定有政治、經濟、文化,點可能淨係講文化而冇咗政治呢?」她批評大館今次DQ馬建講座開壞先例,「有乜可能文化節,賣緊《紅樓夢》、金庸啲武俠小說,但就唔准馬建講talk」,並表示會主動向大館了解事件。

■記者謝明明

相關新聞:諷刺中共 文學節邀談新作《中國夢》

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載