› 選擇地區
三藩市
紐約
洛杉磯
其他美國地區
香港 台灣 北美
 
2018年11月09日

隔牆有耳:癌症篩查越多越好?
醫學界陳沛然:樣樣驗嘥時間 - 李八方

唔少人都希望政府出錢,為市民就唔同嘅癌症進行篩查,希望及早發現,盡快醫治。

驗足10年證實病人冇肝癌

但代表醫學界嘅立法會議員陳沛然噚日喺立法會辯論施政報告致謝議案時,就提出唔同嘅見解,佢話唔係樣樣癌病都適合篩查㗎,最終隨時要犧牲醫護人員好多時間,仲話當某啲癌病做一啲測試時,反而引發好多不必要疑慮,同埋不必要嘅檢查出嚟。

陳醫生點解咁講?佢話佢嘅病人揸住一份篩查報告,話自己嘅肝癌指數升咗少少,之後就展開為期10年嘅檢查:「呢份報告係10年前,喺呢10年期間,我哋不斷要同佢搵究竟佢有冇肝癌,但原來發覺係冇嘅。」

佢話佢同個病人講,由第一刻開始,就唔應該做呢個肝癌指數測試,因為根本就冇肝癌,佢話為咗呢位病人做咗五六次超聲波、三次電腦掃描、磁力共振,目的就係話畀佢呢個病人知,佢係冇肝癌,過程令醫護人員需要花大量時間喺佢身上,替篩查結果執手尾。陳沛然話,癌病指數係當個病人確診有癌症後,用呢個指數去睇做完手術後嘅病人嘅情況同治療成效。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載