› 選擇地區
三藩市
紐約
洛杉磯
其他美國地區
香港 台灣 北美
 
2018年11月08日

隔牆有耳:全城跪求 刀下留人
任何仁唔使死 fb報平安 - 李八方

消防處嘅「任何仁」喺記招亮相後紅爆網絡,掀起任何人都抽水嘅熱潮,點知前日突然傳出「內部消息」,話真人版「任何仁」被封殺,嚇煞一眾粉絲。

消防區長:高層畀好大創作空間

隸屬社區應急準備課嘅高級消防區長黃宏亮噚日一朝早就上電台澄清絕無此事,即係「任何仁」唔使死喇!黃宏亮仲話真人版「任何仁」有機會落區出巡宣傳「應急三識」。「任何仁」下晝即刻喺消防處facebook出po報平安,真係識玩!個po出咗唔夠15分鐘,已經有過千likes,兩個鐘後已輕鬆過萬likes,厲害厲害!

「任何仁」被殺消息傳出,好多網民即時喺網上聲討消防處,消防處facebook更被人洗版式留言,要求對「任何仁」刀下留人。黃宏亮噚日係商台節目澄清,真人版「任何仁」不會「被消失」,又多謝廣大市民支持,認為「任何仁」已打入社區不同群體同幾入腦,又話整個製作團隊對「任何仁」受歡迎都好開心,至於係咪有高層出聲,唔滿意「任何仁」有違正面英雄形象?黃宏亮只係話管理層給予好大創作空間,而宣傳反應一向有好有壞,「任何仁」設計亦有經管理層審批。

「任何仁」知自己唔使死,即時喺fb度出po貼相介紹【任何仁の日常】。佢好風騷話呢排做到好攰,瞓到好晏,啱啱先起身,所以唔知發生乜事,仲反寸「點解我冇內部消息嘅?」佢仲話老細都唔知幾玩得,會繼續同大家一齊follow應急三識,最後再搞多個gag:「呢幾日太忙想游個水鬆吓但太平洋都被抽乾點算!」之後再加一堆hashtag,#任何仁報平安#老細都唔知幾玩得#唔好錯重點應急三識先係焦點。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載