› 選擇地區
三藩市
紐約
洛杉磯
其他美國地區
香港 台灣 北美
 
2018年11月01日

隔牆有耳:學舞獅要查家宅
機師豪「質」保安局 - 李八方

譚文豪

八方上個星期先同大家分享過,工聯會麥美娟「成功爭取」警方加快審批舞獅許可證。哈!點知事隔一個星期,公民黨譚文豪Jeremy噚日又喺立法會問咗啲相當接近嘅嘢。嗱,呢啲就係親疏有別喇,不過譚文豪都問得相當仔細,保安局亦畀咗更多資料大家參詳。

Jeremy嘅出發點同麥美娟一樣,都係恐怕申請舞獅手續繁複,對龍獅運動造成負面標籤。之但係Jeremy亦有唔同嘅角度,佢提到有家長話,小朋友參加龍獅運動前,收到警方查詢小朋友嘅詳細資料,譬如興趣、個性、家庭背景、學業成績。

局方話有不法分子攞利是

玩龍獅啫,要問咁多嘢,𠵱家相睇咩?保安局嘅回覆似乎冇正面答呢個問題,只係話警方處理申請時會考慮多個相關因素,但同時保安局亦提到,有啲不法分子會趁住舞獅活動,問啲商戶、市民攞利是,而近年因為未攞牌就舞獅而被定罪嘅人,過去5年就有18名,大部份都有多項犯罪紀錄,例如搶劫、自稱三合會會員、傷人同埋勒索等。睇嚟保安局同警方都要搵番個平衡,睇吓點樣防止舞獅捲入不法活動之餘,批出申請時唔好嚇親啲家長。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載