› 選擇地區
三藩市
紐約
洛杉磯
其他美國地區
香港 台灣 北美
 
2018年10月25日

爆相爆片:唔想排隊搭纜車
內地客逼上假電車

海洋公園內一輛仿古嘅假電車係園內景點香港老大街嘅其中一件特色景物,但一班來自內地嘅遊客,懷疑誤將假電車當真電車,廿幾人先後湧上該輛復古電車(圖),工作人員話畀佢哋知架車係假嘅,但班內地人唔知係聽唔到,抑或驚執輸,照樣爭住上電車,最後件事擾攘咗15至20分鐘,嗰班人先至肯落車。

讀者黃先生前日全程目擊,佢話事發喺前日下晝兩點幾,佢想搭纜車上山,架假電車就喺纜車站隔籬,當時排隊人龍好長,要等50分鐘,突然有一班內地人衝上架電車度。佢話嗰班人有成50人,估計佢哋原本想搭纜車,但見排隊人多,隔籬又有一架電車,以為可以搭電車去對面,部份人搶先從後門上車,並坐喺座椅上,工作人員不停話佢哋知架電車係假嘅,叫佢哋落嚟,但冇人理,繼續逼上車。其間有人見太逼選擇落車,其空位隨即被其他人補上。

係咪上電車影相?黃先生話:「又唔似喎,都唔見有人影相,估計佢哋以為架電車可以郁,想去對面山嗰邊玩機動遊戲。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載