› 選擇地區
三藩市
紐約
洛杉磯
其他美國地區
香港 台灣 北美
 
2018年10月22日

政府上訴得直 屈覆核拖慢工程

2009年有民間團體向環諮會抗議,質疑大橋環評不實。

【本報訊】2010年1月,居住東涌富東邨的六旬婦人朱綺華患有糖尿病及心臟病,指接近其住所的港珠澳大橋工程會影響健康,遂向高等法院提出司法覆核,質疑當局就建造大橋所做的環境影響評估報告未達標準,沒有全面評估對空氣質素及公共衞生造成的影響,實不符合法例所定,但環保署署長卻批准該份環評報告,朱認為環保署長的決定不合法及不合理,要求撤銷署長的決定。

結果高院判朱勝訴,時任公民黨副主席的資深工程師黎廣德指出,這宗司法覆核爭論點是政府在進行一個工程項目評估時有否考慮累積性影響,「如果冇睇累積性影響,只係單獨睇,就未能反映真實情況」。他稱,高院法官認同申訴人的觀點,不能將整個環境當垃圾桶,「一日未滿,你都可以加落去,就算呢刻未爆燈,都唔可以話因為未爆燈而加多啲嘢落去,調返轉應該要盡力減排,將污染減到最少,但政府一直冇執行」。

相關新聞:行政手段阻民間參與環評

黎廣德:從來冇申禁制令

政府其後提出上訴,獲判上訴得值,政府更聲稱因面對市民司法覆核官司而要修訂招標文件,令大橋工程延誤。黎廣德直斥政府講大話,「當年打官司嘅時候,政府只係準備投標文件,而朱婆婆從來冇申請禁制令,只係質疑環評報告,第一審贏咗,只係表示政府未攞到環境許可證,許可證只係當動工時先需要,未動工前所做嘅投標、設計等唔需要呢個證。只係佢(政府)走出嚟話因為有民間官司,工程被延誤,係出口術」。

朱婆婆當年是公民黨義工,其代表律師又是公民黨成員,時任特首曾蔭權聯同建制派多番不點名狠批公民黨和朱,指部份政黨、政客藉環保和保育之名阻撓大型基建上馬,質疑有人濫用司法程序。時任公民黨黨魁梁家傑否認該官司與公民黨有關。

黎廣德表示,當時公民黨被中傷,該黨成員以專業人士為主,「我哋有律師,提供法律服務係天經地義,建制派政黨混淆視聽,將公民黨作為政黨嘅角色,同埋公民黨員作為唔同界別專業人士嘅角色混淆,再加埋司法覆核如何累工程延誤綑綁埋一齊,作為攻擊對象」。
■記者謝明明

相關新聞:挑戰港珠澳橋 環評 一度勝訴 官司推手:無悔為社區發聲

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載