蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月15日
馬上成為壹會員

陳子政:當時交易員唔識反應

陳子政

事隔35年,資深銀行家陳子政仍記得,政府宣佈設立聯滙制度的一刻,是10月15日星期六中午,接近收市前時間。那些年,周六早上港元仍可冚盤及清算,負責「港紙枱」的交易員必須周末上班。當路透社螢幕突然彈出一行字「香港實行7.8聯滙制度」時,「冇人知道點反應,乜嚟㗎?」交易室內鴉雀無聲。

相關新聞:李國寶:現非檢討時機

跟師傅梁錦松並肩作戰

1983年他入行僅3年多,笑說自己在盤房內是蝦兵蟹將,但慶幸任職花旗這間外滙龍頭行,「仲派去睇港元」,跟住兩位星級師傅-梁錦松(阿松)及黃逸思(YS),在交易室大作戰,見證聯滙閃現一刻。
在陳子政心中,這幕風暴永誌難忘,對往後近40年銀行家生涯,留下了重要註腳。「當時市況好亂,(10月15日)嗰朝早仲有客9蚊買電(每美元兌9港元滙率購入美元),唔夠幾分鐘,嘩,滙價跟住9.3、9.4……(沽港元者)發達喇,幾分鐘郁咗5%!」
中午近收市時,路透社螢幕突閃現「香港實行7.8聯滙制度」,「冇人知點反應,冇人敢再做嘢,唔敢再接單」。當時兩位老闆阿松及YS亦在場,一同見證世紀時刻。港元風暴,全民皆炒,銀行拋港元買美元大有斬獲,花旗當然亦勁賺。不過贏歸贏,眼看香港慘象仍相當心噏,「阿松對香港好有心,見到港滙亂局,佢話冧喇,香港點解會咁樣!」不久,政府宣佈設立聯滙。新制登場,經過幾日操作後市場已明白,「冇得炒㗎嘞,係企喺7.8嗰度」。
聯滙設立至今35年,港元與美元掛鈎,放棄了貨幣政策自主,當港美經濟周期背道而馳時,問題便會凸顯。像本港樓價持續高企、資產泡沫及港息滯後美息,「某程度係聯滙導致貨幣政策冇咗自主性嘅結果」。但陳子政說制度無十全十美,對香港整體經濟以至社會商業層面,「好肯定講聯滙係利多於弊」,港元與全球最流通及最具認受的美元掛鈎是明確選擇,「喺可見將來……3至5年間,我睇唔到有合適過美元嘅貨幣」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載