› 選擇地區
三藩市
紐約
洛杉磯
其他美國地區
香港 台灣 北美
 
2018年10月01日

隔牆有耳:雙牌頭爭議 白鴿互片 - 李八方

林卓廷

民主黨早前通過定性「將軍澳民生關注組」為參政團體,令到身兼關注組主席嘅黨員柯耀林必須「二揀一」,佢噚日開記招話有三個月時間考慮去留,但講明唔會離棄關注組出生入死嘅戰友,又話睇吓黨內機制點樣上訴,唔排除要求召開會員大會嚟場大辯論。
雙牌頭爭議由撞區觸發,關注組質疑民主黨新東立法會議員林卓廷為排除異己,安插友好去關注組有意參選嘅三個西貢選區,包括撐莊榮輝去身兼都會噔業委會副主席嘅李柏棠考慮選嘅都善區,柯仲大爆林喺內部會講「唔好搞莊榮輝嗰區,讓其他區畀你哋」,批評對方脅迫。
林卓廷就反駁話,撞區成日見,但爭議重點係背後反映出嘅政治倫理的問題,「一係就唔好參與政黨,如果唔係就有義務支持黨友參選,唔支持黨友,仲支持另一位同民主黨對選的人,我哋黨紀喺邊度?」其實兩邊都係民主派,可以話係「本是同根生」,鷸蚌相爭得益嘅只係對家,真係「相煎何太急」呢!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載