› 選擇地區
三藩市
紐約
洛杉磯
其他美國地區
香港 台灣 北美
 
2018年09月27日

隔牆有耳:行李門唔服輸
689對空氣質問吳敏兒 - 李八方

「行李門」事件擾攘兩年,隨着空勤人員一方勝訴而告一段落……就奇嘞,皆因主角之一嘅前特首梁振英似乎唔服輸,再三喺facebook狙擊香港空勤人員總工會理事吳敏兒,繼之前話對方以政治立場凌駕常識後,再喺facebook發文話對方誤解判詞,仲要求吳回答三大問題。
屢屢利用鍵盤力量發表偉論嘅CY,文中形容吳敏兒係「空中服務員兼激進工會頭面人物」,批評對方繼續喺法官判詞上誤導,先列出同繙譯部份判詞,強調法官接納相關「酌情送遞」服務,其後連續三問,包括「法院有說『酌情送遞』是只為吳敏兒口中的『權貴』服務嗎?有說我或我的家人向機管局或航空公司要求特權嗎?」等。
第三問明顯係重點,佢要吳敏兒回答至今營造嘅事實,「是我行使行政長官的特權,或利用行政長官的職務,危害到當晚航班的航空安全,是/不是?」原來CY擔心外界以為佢利用特權危害當晚航空安全,之但係法庭已經裁定空總勝訴、機管局違規,CY係咪使用特權?唔使吳敏兒答,公眾都有眼睇。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載