› 選擇地區
三藩市
紐約
洛杉磯
其他美國地區
香港 台灣 北美
 
2018年09月26日

只要彥兒想做的 弟弟都照辦

弟弟嘉朗自稱是彥兒的保鑣。

每一個名字都代表父母的期盼,邢彥兒,有點難讀吧?朋友叫她做3Y。「老公話個彥字古時候有聰明嘅意思,兒字係希望佢可以堅強啲,唔好咁嬌嗲」,媽媽Lily笑說:「可能係呢個名,帶畀佢堅強。」
正值放學時間,來到彥兒小時最喜歡的公園,望到孩子瀡滑梯,Lily百般滋味在心頭,「會諗起彥兒㗎,佢最鍾意打鞦韆,係好活躍、好貪玩,唔係一個文靜嘅女仔」。彥兒自小萬千寵愛在一身,「細個時好刁蠻好任性,爸爸好錫好錫佢」。

相關新聞:CCF為病者「度身訂做」目標

媽媽:怨完咪算

丈夫當年患上鼻咽癌時,彥兒與弟弟嘉朗分別只有6歲與1歲多,「我好少喺彥兒面前喊,唔想佢見到我傷心嘅樣」,以為雨過後會天青,這場雨卻一直下不停。彥兒「連中三元」之際,丈夫的身體亦越來越差,她坦言每次回想都會淚崩,「怨係怨過,怨完咪算囉,唔好再怨落去」。
一直跟進彥兒個案、兒童癌病基金的衛姑娘表示,由於彥兒身體虛弱,不宜進出醫院,未能探望留院的爸爸,直到離世也見不到其最後一面。Lily無奈道:「佢要戴住呼吸機,每次出門口要用好耐時間,所以得我同細佬去醫院。」當初Lily亦不太贊成彥兒出席喪禮,怕她情緒崩潰,又怕未能照顧她。衛姑娘便向Lily提出「不如我都參加個喪禮,陪住彥兒,希望完成佢另一個心願」,她又指彥兒為人樂觀,「好少見佢因為自己個病而唔開心,但嗰次佢見到爸爸,真係好傷心」。
問到彥兒是怎樣的人?媽媽和弟弟異口同聲「投訴」她「自私」,逗得彥兒哭笑不得,「佢個世界好細,得屋企四幅牆,好少接觸出面,所以好多時諗嘢會諗咗自己先」。聽到弟弟這樣說,彥兒也反擊:「佢講嘅嘢都係啱嘅,不過估唔到佢咁唔畀面!」
口裏說不,身體卻很誠實,只要是彥兒想做的,由推輪椅到處去、夾餸菜、換呼吸機喉,弟弟都會照辦。姐姐的病令他「焗住成長」,年紀輕輕便成一家之主,「就算去識女仔,都會諗到屋企有病人,會卻步」。可知彥兒盼望見到弟弟成家立室?他即笑言:「再過多十年先啦!」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載