› 選擇地區
三藩市
紐約
洛杉磯
其他美國地區
香港 台灣 北美
 
2018年09月26日

視障喇沙仔 挑戰維港渡海泳

鄭旨軒視力範圍僅兩米。
朱家駿攝

【本報訊】先天患「眼器官缺損」、視力範圍僅兩米的13歲小伙子鄭旨軒,為挑戰自己,克服視障參加下月舉行的維港泳。他於香港殘疾人士游泳錦標賽2018的男子S13級50米自由泳和男子SB13級50米蛙泳奪得銀牌。但半年前才首次放膽在大海游泳,「我真係想挑戰下游海,因為之前唔夠膽」。

「游海真係有啲驚」

現就讀喇沙書院的鄭旨軒患有「眼器官缺損」,先天視力比常人差,視力範圍約兩米,「冇普通人睇得咁遠,望向上下距離、闊度較常人窄,望遠啲就比較矇」。因人腳不協調,四年前父親安排他習泳,「學咗4、5個月之後,有次訓練破咗自己紀錄,就鍾意咗游水」。
對於首次參加新世界維港泳,旨軒稱是為挑戰自己,「我真係想挑戰下游海,之前唔夠膽,但𠵱家覺得自己游水能力夠高可以夠膽做」。他稱,半年前才首次跟父親到泳灘,坦言「第一次游海真係好驚,嗰陣乜都冇預備就跳咗落海」,幸而當時跟隨父親成功游到浮台,之後再從浮台游到岸邊已經不太害怕。
他說:「自己習慣游泳池,但游海真係有啲驚,驚俾啲浪推向第二邊」,又指海浪和水阻較大,需花更大體力,「游海真係比游泳池攰好多」。為了應付在大海游泳,避免海浪把他推走而游錯方向,因此特意訓練腰力和跑步訓練體能,「固定自己條腰,拉直個身,當啲浪冚埋嚟都唔會畀啲浪推走咗」。他笑言,個人喜歡游泳池多於游海,「始終泳池輕鬆啲同安全感大啲」。
他今年參加優悠組,全程約1公里,「平日練水都游超過2至3公里,應該應付到」。他指今次未有訂下目標,「因為未游過維港,好難定時間」,只希望用最快時間游到岸。
■記者張文鈴

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載