› 選擇地區
三藩市
紐約
洛杉磯
其他美國地區
香港 台灣 北美
 
2018年09月26日

爆相爆片:破壞王「追月」出動
YOHO MALL變水舞間

要睇水舞間,唔使過大海咁遠喇!因為噚日朝早喺元朗上演咗追月特別場,費用全免,但由於係即興性質,所以睇嘅市民唔多,就等小記帶大家重溫精采片段!

消防系統遭刑毀

話說喺朝早8點幾,元朗YOHO MALL(形點)一期嘅交通交匯處,突然間落起「傾盆大雨」,啲水好似瀑布咁,當時有乘客喺巴士站等車,亦有市民經過,全部都走避不及被照頭淋。有元朗居民以及區議員王威信,都將事發時嘅短片放上網,可以見到當時地面俾水浸晒,巴士站都暫時停用。原來係消防系統疑被「破壞王」觸動,令水簾開啟,保安員見咁大件事,即刻報警。消防員嚟到,發現上址並無火種,但巴士站消防警報嘅啟動器被打爛,懷疑有人蓄意破壞。YOHO MALL服務處發言人回覆《蘋果》時指,朝早近8點,服務處發現有人位於交通交匯處按動消防警鐘,消防系統隨即啟動。職員未有發現有火警或火種,而閉路電視顯示有人蓄意按動消防警鐘,故此服務處已要求警方調查事件,其後交通交匯處運作已恢復正常。
小記喺下晝去YOHO MALL睇過,發現現場警鐘多達50個,每個旁邊都貼有告示,提醒打爛玻璃可啟動水簾系統,而其中一個輕微凹陷(圖),疑曾遭重擊。
警方已將案件列刑事毀壞,交由元朗警區刑事調查隊第十隊跟進,暫未有人被捕。警方正追緝一名年約30至35歲男子,身高約1.75米,壯身材,蓄短黑髮,案發時身穿白色背心上衣、紅色短褲及白色運動鞋。

爆相爆片

爆相畀$500、爆片送$1,000嘅基本獎賞外,仲會選出每周之星,每星期最高單日總點擊頭5名即刻科水$10,000,而每月15號至翌月14號期間獲得全月最高單日總點擊者,更可以成為每月盟主,額外獎賞$100,000,係$100,000!爆相爆片必須為本報獨家採用,一經刊登立即有獎!
爆相爆片WhatsApp:6383 6568

參加細則

1.爆相爆片必須由參加者拍攝。
2.若本報發現任何造假情況,將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利,如有任何爭議,以本報決定為準。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載