蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月20日
馬上成為壹會員

鄰居憶起許家小狗猝死

許金山去年被捕前,與Shara拍拖行街巿。

【本報訊】許金山妻女遇害前半年,許家一隻芝娃娃突死去,身上無傷痕,許太黃秀芬(女死者)當時曾懷疑芝娃娃或在外被毒蛇咬噬或誤食老鼠藥,致回家後死去。住在案發大洞村10多年的鄰居,在許家母女死後想起這件事,不寒而慄。

相關新聞:探員:離婚分產不果動殺機

「唔知許太婚姻唔開心」

Jason(化名)自許金山一家2013年搬入大洞村後,便與許太成為朋友,「我識佢哋一家,但同許太傾偈多啲,因為許生經常唔喺屋企,許太好nice,但從來唔知佢婚姻唔開心」。在他眼中,許太一家樂也融融,「佢哋一家人會一齊去踩單車,關係都幾OK,唔覺得有乜嘢唔妥」。
至許太和女兒慘死事件發生後,他才感到可疑,回想起事發半年前,許太家中一隻飼養數年的小狗芝娃娃突然死亡,「呢隻狗之前成日過嚟同我啲狗玩,佢死前仲好活潑,唔覺得有病」。有一天,他從許太口中得知牠死去,「佢話唔知隻狗點死,可能喺出面食咗啲嘢中毒,可能俾蛇咬,不過又冇傷痕,無端端死」。他形容許太當時非常疑惑,如今回想感覺很害怕。
事發後不久,Jason太太剛巧到許金山工作的威院覆診,與職員談起這宗命案時,職員突然拋下一句:「件事未必咁簡單,唔係你表面睇咁簡單。」所以見到許時特別留意,「但佢好似冇乜唔開心,唔覺得佢有傷心,感覺好怪」。
認識許太多年的鄰居陳女士指,數年前許太曾向她訴苦說婚姻亮紅燈,感到不開心。她是與許太最後一個通話的人,「事發當日,我打(電話)畀佢,叫佢幫我湊住我嘅小朋友,但佢話要出街,叫我放低畀佢工人,我就話唔使」。想不到就這樣失去好朋友,覺得很可惜。
■記者郭美華

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載