› 選擇地區
三藩市
紐約
洛杉磯
其他美國地區
香港 台灣 北美
 
2018年09月20日

爆相爆片:登機系統故障 成田現長龍

日本今年可謂多災多難,大阪關西機場今個月初遭受颱風「飛燕」吹襲,機場水浸兼受到嚴重破壞一度要關閉,對外嘅交通命脈連絡橋有一邊行車路俾船隻撞爛咗,當地幾經努力搶修,機場航班升降陸續恢復,聽日開始回復正常運作;點知另一邊廂,就輪到東京成田機場出問題,有旅客喺航空公司櫃枱前大排長龍,原來因為登機系統故障,要人手寫登機證資料。

航班延誤4小時

讀者劉先生一家三口去咗東京玩幾日,原定星期二乘搭香港快運UO849航班,預計夜晚7點返到香港,一心諗住避過咗超強颱風「山竹」嘅威脅,一定冇影響喇啩!點知佢哋星期二中午去到成田機場,見到香港快運一度封住櫃枱唔畀乘客check-in,其他航空公司櫃枱亦都排晒長龍,更有當地傳媒喺度拍攝。劉氏一家內心一沉,後來先知原來係機場登機系統發生故障,印唔到登機證,地勤人員要用最原始方法手寫登機證畀乘客。劉先生話,咁原始嘅登機證都係第一次見。
地勤人員仲同劉先生講航班會延遲,但遲幾耐就唔知,大批旅客喺候機室等候,好多乘客坐喺地下,不過秩序都算良好嘅!結果航機遲咗接近4個鐘,夜晚10點49分抵港。返到香港機場,行李又延誤,搞到凌晨先返屋企,睇嚟劉氏一家今次嘅旅行都幾難忘!香港快運發言人稱,由於星期二東京成田機場嘅二號客運大樓登機系統出現故障,令到該客運大樓嘅航空公司櫃枱要用人手辦理登機手續。因此前日由東京成田飛往香港嘅航班UO849延誤起飛。

爆相爆片

爆相畀$500、爆片送$1,000嘅基本獎賞外,仲會選出每周之星,每星期最高單日總點擊頭5名即刻科水$10,000,而每月15號至翌月14號期間獲得全月最高單日總點擊者,更可以成為每月盟主,額外獎賞$100,000,係$100,000!爆相爆片必須為本報獨家採用,一經刊登立即有獎!
爆相爆片WhatsApp:6383 6568

參加細則

1.爆相爆片必須由參加者拍攝。
2.若本報發現任何造假情況,將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利,如有任何爭議,以本報決定為準。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載