› 選擇地區
三藩市
紐約
洛杉磯
其他美國地區
香港 台灣 北美
 
2018年09月19日

7歲女濫服維A維D 損肝「冇藥醫」

消委會發現,市面有9款維他命的建議服用量超出或相等於中國標準每日最多攝取量。易仰民攝

【本報訊】港人工作時間忙、飲食不定時,有人會選擇服食維他命補充劑。不過,香港醫院藥劑師學會會長崔俊明表示,長期服食過量維他命會影響健康,數年前曾有一名7歲女孩因持續兩、三年服食維他命A和D,導致肝臟受損,皮膚和眼球發黃,出現作嘔作悶徵狀。他說:「呢個係冇藥醫,都係等佢停食維他命,之後慢慢會好返。」

相關新聞:Dyson空氣淨化器表現遜小米

「喺香港唔會缺乏維他命」

他指,成人較少發生服用過量維他命,惟有部份長輩或家長認為小孩過瘦,以為服食維他命可改善情況,「你見啲家長好鍾意畀魚肝油啲小朋友食,標榜高含量維他命A同D,A同D會積聚喺肝臟」。他強調,攝取維他命最好是從食物吸收,首要均衡飲食;又指香港現今社會發達,「喺香港唔會缺乏維他命,喺好多食物都攝取到,好似汽水都標榜有維他命C,不過係人工唔係天然之嘛」。
他稱,絕不鼓勵港人自行服食維他命補充劑,「除非你係先天有缺乏或有病,但最好都係由醫生處方同建議」;若市民需要購買有關維他命等保健食品,他建議可向店內的藥劑師查詢,協助選購適合產品,「𠵱家連鎖店貨架有好多種(維他命等保健產品)」。
■記者張文鈴

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載