› 選擇地區
三藩市
紐約
洛杉磯
其他美國地區
香港 台灣 北美
 
2018年09月19日

爆相爆片:彩虹邨居民 訣別樹街坊

有巿民在彩虹邨輕撫邨內塌下的大樹道別。

超強颱風山竹橫掃香港之後滿目瘡痍,塌樹處處,政府部門已展開清理,民間組織亦發起自己家園自己救行動;但倒下嘅樹木,唔知要幾多年先可以再長成巨人,為巿民遮風擋雨。喺黃大仙彩虹邨長大嘅混血兒Maryan喺颱風後落街視察,眼見陪伴唔少街坊成長嘅大樹,不敵颶風倒下,有街坊走埋去輕撫樹幹道別,場面令人動容。

「你都撐得好辛苦喇!」

Maryan同小記講,颶風過後嘅星期一朝早,佢落樓下停車場睇吓愛驅有冇損傷。鍾意影相嘅佢亦喺彩虹邨行咗一圈,形容沿途好似行咗入個森林咁,聞到經雨水洗禮之後夾雜草泥嘅氣味,當佢行到翠瓊樓房署辦事處出面,見到啲街坊圍住一棵吹冧咗嘅大樹,Maryan舉機影低呢個畫面留個回憶,呢個時候有個女街坊行埋棵樹度,輕輕拍咗樹幹兩三下,Maryan聽到佢同棵樹講:「辛苦晒你喇,咁大風雨,你都撐得好辛苦喇!」Maryan當下個鼻一酸,幾乎想喊。
冧咗嗰棵樹陪住好多街坊成長,包括Maryan,佢話細細個已經有呢棵樹,佢形容樹幹粗壯要三個人先攬得晒。佢細個時媽咪會喺樹下面等接放學,邨入面啲老人家都係坐喺樹底下傾偈唞涼,好多集體回憶。佢同向大樹道別嘅女街坊傾咗兩句,對方喺彩虹邨住咗4、50年,對邨內一草一木都有感情。
另外有一對年紀比較大嘅夫婦亦專登走落樓睇吓棵樹,事緣佢哋習慣每朝喺屋企望出窗睇吓啲綠色嘢,前日起身如常望窗,發覺平時望到嘅樹蔭消失咗,落樓見到棵樹冧咗,老太太都眼濕濕。大家惟有互相幫大家同大樹影相留念。

爆相爆片

爆相畀$500、爆片送$1,000嘅基本獎賞外,仲會選出每周之星,每星期最高單日總點擊頭5名即刻科水$10,000,而每月15號至翌月14號期間獲得全月最高單日總點擊者,更可以成為每月盟主,額外獎賞$100,000,係$100,000!爆相爆片必須為本報獨家採用,一經刊登立即有獎!
爆相爆片WhatsApp:6383 6568

參加細則

1.爆相爆片必須由參加者拍攝。
2.若本報發現任何造假情況,將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利,如有任何爭議,以本報決定為準。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載