› 選擇地區
三藩市
紐約
洛杉磯
其他美國地區
香港 台灣 北美
 
2018年09月18日

爆相爆片:婆婆頭卡超市旋轉閘

婆婆頭慘被卡住,超市職員幫手報警同安慰佢。

小朋友好奇、百厭或者唔小心而發生意外,夾親手腳甚至卡住個頭都唔奇,但婆婆個頭卡住喺超巿入口嘅旋轉柵閘就真係比較少見。噚日中午12點幾,黃小姐喺粉嶺聯捷街10號榮輝中心商場嘅百佳超巿分店就見到呢幕奇景,黃小姐聽街坊講估計婆婆入超巿冇買嘢,所以冇喺出口嗰邊走,諗住喺入口捐返出去,點知夾住咗。

消防剪閘解困

黃小姐都奇怪旋轉閘側邊個窿唔係好大,小朋友捐過去都可能窄窄地,唔明點解婆婆會喺嗰度出去。超巿經理一直喺婆婆旁邊安慰佢,之後消防員嚟到剪開個柵閘,幫婆婆解困。《蘋果》問返超巿究竟點解會咁,先發現原來大家都誤會咗婆婆,婆婆唔係想練縮骨功,所謂意外,真係意料之外。
百佳發言人解畫,當時顧客想透過旋轉柵閘底部,將已經畀咗錢嘅貨品擺喺近入口位置,咁啱有其他顧客進入超巿,導致佢個頭被卡住,超巿職員立即報警通知消防員到場處理。婆婆脫身之後,上咗救護車由救護人員幫佢檢查有冇受傷,好彩婆婆無大礙,唔使送院,之後佢自行離開。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載