› 選擇地區
三藩市
紐約
洛杉磯
其他美國地區
香港 台灣 北美
 
2018年09月18日

隔牆有耳:眾志半夜擸架生開路 - 李八方

眾志小隊噚日凌晨擸齊架生出動,清理路面塌樹。

隨住山竹遠離香港,相信大部份港人前都鬆一口氣,安心瞓番場覺。但一班香港眾志成員包括蔡俊賢、梁延豐、同埋露腰造型有啲似「港版羅拉」嘅金髮何嘉柔,就喺噚日凌晨組成小隊,戴住手套攞住小型鋸刀,擸架生型爆喺社區同馬路出動,氣勢凌厲莫非搞場大茶飯?
原來呢班眾志成員有見山竹吹襲過後,四處都有幹道或行人路被倒下嘅樹木阻塞,自發協助移除倒塌樹木,希望每個香港人都可以為自己社區出一分力,幫手清理小型垃圾,據聞型爆小組清理至天光先收隊。
眾志喺fb話,天一光,街坊就要趕去返工,但係街上面仲有咁多潛在危險,仲要花好多時間先有得上車同人逼嚟逼去,「其實澳門都有得放一日假等處理好街上面各種情況先,點解香港都仲要逼一班打工仔辛辛苦苦返工?」唔少網民都讚眾志成員呢次自發行動,但亦相當擔心佢哋嘅安全,叫佢哋要做足安全措施。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載