› 選擇地區
三藩市
紐約
洛杉磯
其他美國地區
香港 台灣 北美
 
2018年09月17日

街坊:廿幾年冇見過咁恐怖

有巨浪拍打杏花邨岸邊。張志華攝

【本報訊】強颱風「山竹」襲港,杏花邨再次成為重災區。居民雖已吸取去年「天鴿」經驗,預早做防風準備,並已儲好乾糧,惟迎來風暴期間,有居民坦言山竹威力明顯比天鴿更強,留在家中「有得震,冇得瞓」,不單感到大廈被強風吹至搖晃,海水不斷湧入屋苑,「住咗廿幾年都冇見過咁恐怖」。

相關新聞:政黨:政府應做僱主榜樣

威力比天鴿更強勁

杏花邨低層住戶鍾小姐指,雖並非住在最近海邊的一排,但仍感到山竹威力比天鴿更強勁,「風勢好勁,吹到隻窗係咁響,直頭嘈到瞓唔到」。即使家中所有門窗都已關上,但當強風吹過,仍可觀察到大門震動並發出聲響,「道門係咁郁,秒秒鐘都驚緊會唔會吹爆窗」。
杏花邨昨廣泛位置都被海水淹浸。鍾小姐指昨早開始樓下已變成一片汪洋,海水不斷湧進屋苑,水位上漲速度亦相當快,在中午時間水深已過膝頭,「肯定要全日受困喺屋企,海水係咁湧入嚟,連埋啲海洋垃圾都沖晒上岸。上次天鴿到中午左右水位開始下降,但係今次到傍晚都仲浸緊,唔見有乜改善迹象」。
她的家人居住在屋苑另一高層單位,「佢哋同我講直頭感覺成幢樓喺度搖緊」。在傍晚入黑後,她亦留意到屋苑內至少兩幢樓宇懷疑停電,全幢大廈沒有任何單位開燈,她形容在杏花邨住了廿多年,以今次災情最嚴重。而商場亦已關閉,連唯一一間7-11便利店亦已暫停營業,令杏花邨儼如孤島。
■記者鄭啟源

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載