› 選擇地區
三藩市
紐約
洛杉磯
其他美國地區
香港 台灣 北美
 
2018年09月14日

隔牆有耳:容海恩唔放「前四後六」 - 李八方

上月下嫁同黨政策總裁袁彌昌嘅新民黨立法會議員容海恩(圖)噚日親證有喜!容海恩噚日同傳媒茶敍,就透露預產期係出年農曆年初一,但就無透露係豬仔定豬女,保留神秘感。至於產假方面,由於議員同立法會唔係僱傭關係,所以無有薪產假,但秘書處就建議佢請假,相信會獲批,咁佢會唔會按慣例請「前四後六」呢?佢就話唔會,反而好大機會留守到最後一刻,產假都只會放兩至三星期,仲話爭取喺宣佈財政預算案當日重返議會。
容海恩噚日仲同立會秘書處開會,除傾產假外,仲爭取設授權票同埋喺立會大樓增加哺乳設施,日內又會去信立法會主席同議事規則委員會,要求畀坐月期間嘅議員授權黨友投票,不過由於《基本法》列明立會大會議員要在席投票,所以更改空間唔大。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載