› 選擇地區
三藩市
紐約
洛杉磯
其他美國地區
香港 台灣 北美
 
2018年09月14日

入侵愛民邨 殺上20樓偷食麵包

【天水圍】
天耀邨居民郭先生近5個月在家中捕獲10多隻老鼠。梁瑞帆攝

【本報訊】鼠輩於大街橫行外,更闖入民居,住在愛民邨40多年的高伯,兩年前發現有老鼠入屋,近月情況越趨嚴重,今年6月至7月期間便捕獲了21隻老鼠。老鼠橫行無忌,更會咬爛組合櫃的間隔木板,潛入偷食,「每一格都畀佢咬穿,真係好醒!」84歲的高伯,只好自行買木板將洞口封起。現時,高家所有食物,皆會放於密封的容器內,惟治標不治本,高伯曾多次向房署求助,職員只回覆會加強防治工作,情況卻毫無改善,高伯於是在騎樓放置老鼠籠及老鼠膠,「背脊痕痕哋都以為有老鼠爬上身!」
九龍城區議員吳奮金指,近年何文田站落成,以及附近有多個豪宅項目,邨內老鼠明顯增加,去年愛民邨街市改建後鼠患進一步惡化。部份居民捕獲老鼠後,會帶到吳奮金的辦公室,吳再通知清潔公司帶走。訪問當天,居民霍小姐便於凌晨先後捕獲兩隻老鼠,「上星期聽到老鼠叫,『吱』得好大聲,以為幻聽,我住20樓喎,邊有可能?」豈料,翌日便發現即食麵包裝袋遭咬破一大洞,「我呢幾日瞓唔到,真係精神衰弱!」《蘋果》於德民樓內的走廊巡視,並沒發現鼠餌或捕鼠器,4樓的垃圾收集車,膠蓋更打開。

相關新聞:挖地拆樓致大遷徙 恐傳播病菌

天水圍婦受困擾須看精神科

吳奮金批評,房署只於大廈2樓裝設防鼠擋,以及於水渠、花槽等地方擺設鼠餌並不足夠,「屋入面咁多嘢食,點會食鼠餌?」對於九龍城區鼠患指數偏低,吳奮金並不認同,他認為,食環署以老鼠齧咬鼠餌比率作指標,準確度成疑。除九龍城區,天水圍居民亦面對鼠患困擾。住在天耀邨耀昌樓2樓的郭先生,去年10月至今共捕獲了20多隻老鼠,其中10多隻於5月後捕獲,多次向房署及區議員求助,房署在其家中騎樓安裝鼠網,他亦自行放置老鼠籠,但問題並沒改善,「房署話未搵到源頭,大佬,搵一年都未搵到?」郭先生又花費千元換上透明廚房門,「隔住度門都望到入面有冇老鼠」,訪問前一晚,郭家中的老鼠籠再次捕獲老鼠,他指兩夫婦因鼠患問題經常失眠,任職地盤的郭先生更因此影響工作,妻子則受鼠患困擾致精神出問題,獲轉介至公立醫院精神科接受治療。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載