蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月08日
馬上成為壹會員

瘦一圈 劉國樑學從商援助社運

公眾對劉國樑的名字也許感到陌生,然而翻閱跟東北案有關的新聞,總會看到他的名字出現在13名被告的名單裏。不是鎂光燈下的焦點,劉國樑出獄後開始學做生意,支援社運戰友,「睇返𠵱家好多參與社運嘅人可能都要坐監,之後有案底,可能出到嚟出面啲公司又唔請,我希望自己可以搵多啲錢,第時可以做到幫助佢哋嘅位置」。

相關新聞:發展計劃爭議不絕 千人闖立會抗剪布

坐監「啲嘢真係好難食」

回想4年前東北抗爭,劉國樑笑言被捕跟東北案另一被告梁曉暘有關,「佢俾人拉咗先,跟住send咗個訊息出嚟話俾人打,我就幫佢公佈出去,順手又鬧咗警察兩句,我估應該就係嗰陣俾人點咗相,跟住到清場俾人抬走嗰陣,有個反黑見到我,就指住我話︰『係佢啦!』,我就俾人拉咗上車」。當時他仍是社工系學生,看到東北村民面臨逼遷而憤怒,「同埋身邊嘅朋友都關注呢件事,係好自然會嬲,之後就會行動,一早已經有俾人拉嘅心理準備」。
劉國樑覺得獄中生活不算難適應,情緒也無太大起伏,「頭一個禮拜會有唔適應,因為啲嘢食真係好難食,但自己適應力比較強,之後都無咩特別」。偶爾會有囚友替他覺得不值:「阿仔,乜你咁蠢㗎,錢又無,又咁樣搞到入嚟坐」。劉國樑在獄中與女友琳琳書信傳情,細訴每天獄中生活。琳琳憶述:「我哋日日都寫信,好似因為寫信可以更加去了解到對方諗緊咩,同埋會寫多啲自己嘅感受」。入獄3個月後,劉國樑回到外面的世界,瘦了一圈。他開始比較認真思考人生路向,正在學做生意,「保釋完出嚟之後,個經濟狀況唔係好好,好似越嚟越衰,有段時間會覺得自己好無用,後尾開始返工,有朋友搵我幫手搞一檔爬蟲用品專門店,我都可以喺過程入面學吓點做生意」。
官司纏繞4年,對劉國樑來說,很漫長,也很磨人。他不怕再次入獄,也慶幸琳琳一直伴在身旁,「𠵱家想快啲解決成件事,如果要繼續坐就快啲坐埋剩低嘅刑期,然後可以專心做自己嘅嘢」。
■記者李雨夢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載