蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月26日
馬上成為壹會員

滑鼠娘娘:針對社運人製寒蟬效應

外號滑鼠娘娘的鄺頌晴目睹身邊社運戰友被扣上161條「罪名」,認為言論自由已受打壓。何柏佳攝

輿論對政府濫用不誠實取用電腦罪的質疑,並非始於今時今日,早在2015年,民間壓力團體「鍵盤戰線」就向立法會提交一份萬言書,痛陳律政司多宗引用161條的檢控個案違反立法原意。外號「滑鼠娘娘」的鍵盤戰線成員鄺頌晴記得,那時傘運結束不久,她批評警方頻密援引161條拘捕或檢控社運人士,是要製造寒蟬效應,打壓網絡言論自由。

相關新聞:爭議法例源於英國

「到某啲位都會諗算喇」

161條對公民社會的傷害,先後參與過傘運及反網絡23條運動的鄺頌晴最清楚。2014年民間反對東北發展運動開始,她目睹朋友一個跟一個因在網上發表戲言而被扣上「161條」罪名。
即使有些案件最終沒有起訴或者不能入罪,但是對受針對的「疑犯」而言,單單被拘捕及相關司法程序,已經足夠造成寒蟬效應,令大家不敢再在網上暢所欲言。
「呢個係製造一個壓力,製造緊一個寒蟬效應,係咪都搞咗你先。由一個activist嘅角度睇,自己反而唔驚,但係就嚇親你身邊嘅人。同你一齊住嘅另一半,一定會好擔心。自己都要承受壓力,你係咪都要俾人扣兩日,然後要保釋呀、簽到呀,呢啲都係製造緊壓力畀一啲公民社會嘅活躍分子」。
鄺頌晴指出,這種壓力最終會導致越來越少人企出來,「互聯網係一個大家好常用嚟做動員或者討論嘅平台,無論係正式嘅討論或者係叫人出去遊行示威,當有咗呢啲先例嘅時候,大家慢慢就會越嚟越唔敢喺呢個平台做嘢」,當公民怯於鼓勵群眾示威,公民社會就會受到影響,大家亦難以收到公民社會的訊息。
「因為有啲人嘅諗法就會係,我唔知邊啲中邊啲唔中,咁我就會索性唔講,我索性唔出聲,我完全唔講,咁我咪完全唔會揩到條法例嘅唔知邊個門檻囉」。她以自己為例,「鍵戰都算係activist,但係去到某啲位,我都會諗,算喇,都係唔好咁多嗲喇」。
鄺指出,一些比較激進的組織已經不會直接叫人示威,只會用一些婉轉措辭,「話今晚凍呀,大家記得着暖啲,病就記得戴口罩,好多組織都有呢個trend,唔會直接去鼓勵大家示威,我諗某程度上就係為咗避免入罪」。
協和小學案判詞一出,鄺頌晴的反應是:「好感動呀,終於有人識英文,終於有人識字,終於有人識電腦喇。」她很期待,往後司法系統會嚴守立法原意。
■記者蔡元貴

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載