蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月25日
馬上成為壹會員

工聯會收財團捐款 
鄭耀棠:有乜利益衝突?

鄭耀棠(前排中)昨出席電腦節開幕活動時表示,難簡單解釋工聯會的財務狀況。何柏佳攝

【本報訊】《蘋果》昨日頭條報道,工聯會由2015至2017年間收入高達3.8億元,包括2.42億元不明來歷的「捐款」,但涉嫌將資金轉移避稅多達392萬元。工聯會榮譽會長鄭耀棠昨出席活動時,被問到事件是否屬實,他僅稱自己已卸任會內職務,不應指指點點,並稱「我唔係管財」。記者追問工聯會收受捐款的規模時,他重申不便評論。

稱財務狀況非秘密

再問及工聯會曾否接收財團捐款,鄭耀棠說:「肯定有啦……你用『財團』嘅字我好難評論,外面嘅捐款肯定有嘅。」他解釋外間捐款有來自社會、各個團體,「甚或我哋有啲會員,以前係打工仔,後來佢成為老闆,但佢對工會非常有感情,佢依然會對工會捐獻,呢啲情況係唔少嘅」。那麼團體是否包括商業機構捐獻?鄭重申,「我無法子掌握到邊個人捐過款畀我」,稱工聯會接受捐款的準則,就是無條件捐獻,「唔附帶任何要求」。
作為勞工階層組織收取資方捐獻,會否怕被外界批評存在利益衝突?鄭直言:「我驚乜嘢?有乜嘢利益衝突?代表打工仔唔等於唔可以接受(資方捐款)㗎嘛!」他稱每屆理事會都有向相關代表作出報告,難以三言兩語解釋財務狀況,「唔係一個秘密數字」。
■記者袁楚雙

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載