› 選擇地區
三藩市
紐約
洛杉磯
其他美國地區
香港 台灣 北美
 
2018年08月24日

爆相爆片:
新巴車長 乘客紅隧外激戰

車長衝落車怒打排緊隊嘅乘客。

香港地人多是常識,但人多要互相禮讓就唔係個個識。有網民前日上載影片到社交網站,一個着制服疑似新巴車長嘅男人,喺紅磡海底隧道巴士站同排隊等車乘客激戰,雖然片段只有十幾秒,但雙方拳拳到肉,絕無欺場!
短片顯示,一開始就見到個疑似車長由一架新巴走落車,揮拳向正在排隊嘅一個男乘客施襲,雙方隨即打起來,各自使出連環拳,雙手撲向對方面部,但疑似車長似乎技勝一籌,連續幾拳都打中對方,並順勢將嗰個男人打倒地上,搞到佢袋都飛埋出嚟,疑似車長仲未夠喉,葉問上身一手按住對方個頭,再整多一拳落去先至罷休。
嗰段短片並冇講幾時發生,新巴就回應話仍然調查有關事件。有網民就感慨香港人越來越大壓力,小小事就出手打架,亦感嘆其他人袖手旁觀,唔嘗試制止。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載