蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月24日
馬上成為壹會員

鬼祟刪同行同檢 前線無人知

【記者實測】
【本報訊】早前庭上披露機管局於今年4月已修改保安規則,刪走同行同檢條文。《蘋果》上月到機場實測,發現無論保安抑或前線員工均不知條文已改,有機管局職員更稱「從來冇改過例」。有議員批評機管局鬼祟改例是「搬龍門」,目的只為令權貴濫權合法化。
《蘋果》上月派兩名記者到機場實地測試,其中一名記者在禁區內向機管局職員求助,表示自己遺漏一件手提行李在禁區外,由朋友託管,詢問有何解決辦法。職員回覆稱必須親身離開禁區取回,並要有航空公司職員帶領,「你要搵番航空公司職員帶你出去拎,冇得有人幫你拎入嚟。」

相關新聞:工會促當局返回正軌

議員斥助濫權合法化

記者追問新例下是否可由職員代領,機管局職員卻否認改例,「從來冇改過例,由頭到尾都要自己拎行李過安檢」。記者再嘗試問航空公司地勤,對方亦稱沒改例,又建議如要取回行李,須先取消航班再出禁區取回,「你要cancel flight,之後再出番去,職員唔可以幫你帶入去」。
與此同時,禁區外手持遺漏手提行李的記者,亦先後向機場保安、航空公司地勤及機管局職員查詢可否代為傳遞行李到禁區,全遭拒絕。保安稱「佢入咗去嘅話就出唔番嚟,同埋你都入唔到去」,被問及已經改例事直言不知情,「(改例)呢個我哋冇收到(通知)」。航空公司地勤人員亦以安全為由拒絕,「呢個係安全理由問題,首先我唔知你識唔識佢,然後又唔知入面嗰嚿係乜嚟」。
本身是民航機師的議員譚文豪指,前線人員不按規定做事已有問題,因不可能有重大改動而無收到通知。他認為今次改動完全是搬龍門,「好似為咗一個人、純粹為咗一個689去修改呢一樣嘢,令到佢當日行為合理化、合法化」,又指日後若人人都要代領行李,或加重前線工作壓力,「咁要請幾多人先夠?」
本報記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載