› 選擇地區
三藩市
紐約
洛杉磯
其他美國地區
香港 台灣 北美
 
2018年08月23日

隔牆有耳:
被指虛報資格 廉署放生 
遮醜葉夠大塊 何君堯又過骨 - 李八方

建制派立法會議員何君堯去年9月喺反港獨活動上發表「殺‧無赦」言論,引起軒然大波,隨後更被揭發佢喺2016年參加立法會選舉時,喺單張自稱「新加坡、英格蘭及威爾斯執業律師」,卻冇喺兩地執業,有虛報資料之嫌,唔少民主派政團同市民其後向廉署舉報,話佢涉嫌違反《選舉(舞弊及非法行為)條例》,要求DQ佢嘅議員資格。事隔近一年,律政司話證據不足所以唔作檢控,換言之,喺法庭selfie都冇事嘅何君堯,又再次大步檻過咯。

律政司指證據不足

據了解,幾名曾就何君堯虛報資料作出投訴嘅人士,近日都收到廉署回覆,話經調查後證據不足,唔作檢控。八方都問過廉署,發言人證實早前接獲有關何君堯嘅投訴已經完成調查,並向律政司徵詢法律意見,律政司認為證據不足,決定唔向涉案人士作出檢控,廉署亦已喺上月25日就有關調查向獨立嘅審查貪污舉報諮詢委員會匯報,委員會都同意廉署嘅調查結果喎。八方問過其中一名投訴人、荃灣區議員譚凱邦,佢確認收到廉署信件,對於結果感到無奈。
其實何君堯獲放生,唔係第一次。之前佢喺法院自拍,惹嚟爭議,但律政司最終都決定不提控,當時連司法機構都發表聲明,重申一貫政策係除非獲得許可,否則一律禁止喺法院大樓範圍拍攝。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載