› 選擇地區
三藩市
紐約
洛杉磯
其他美國地區
香港 台灣 北美
 
2018年08月18日

食客:似計時炸彈喺隔籬

【譚 仔】
店員用膳時有電子鐘(箭嘴示)計時。徐雲庭攝

【本報訊】對於有飲食業前線員工僅得20分鐘吃午飯兼設有計時器倒數,不少市民都表示難以接受,有人形容這樣吃飯像被人監視,有點似坐監,又似奴隸,有女食客更指食店員工這樣吃飯「好似有個計時炸彈喺隔籬」,大多數人認為一小時吃飯時間較合理,即使飯鐘再短也不應少於半小時。

相關新聞:法律無規定飯鐘須有薪

員工:吃太急好似吞落去

20分鐘午膳兼有計時器倒數的魚米家無回覆《蘋果》查詢,但不少員工在受訪時為僱主護航,指公司肯為員工提供免費膳食及有薪飯鐘,絕非無良,「的確係得20分鐘(食飯),但若冇客可以坐耐啲,經理唔會鬧……我哋食飯時間有人工已經好好,出面有好多食肆畀你食一個鐘又點吖,但係冇人工㗎,仲要你出去畀錢食」。中環一分店員工亦指:「倒數鐘其實只係做個樣,我哋有時都會食半個鐘,經理唔會理。」
但亦有女員工坦言20分鐘午飯時間不太足夠,有時吃飯太急「好似吞落去咁」,故她希望飯鐘可增至半小時,但她指不敢奢望增加福利。
而在譚仔雲南米線分店,記者發現員工亦只得20分鐘吃飯,並受電子鐘「監察」,員工吃飯甚快,還可邊吃邊傾偈,有女員工更帶來私伙豆鼓鯪魚罐頭加餸。有員工向記者笑說:「的確只有20分鐘食飯,但一日有兩餐食,都算係唔錯……不過如果老闆肯畀多啲時間,例如有半個鐘食飯就好喇。」
■記者徐雲庭、金敏琍

市民心聲

相關新聞:連鎖食肆員工血淚史譚仔 魚米家放飯20分鐘 計時器倒數

飲食業從業員阿濤:
飯後應該休息一陣先做嘢,要有一個鐘用膳時間先合理。

伍小姐:
若用膳時要用倒數器計時,壓力太大,好似俾人監視咁,同坐監冇分別!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載