› 選擇地區
三藩市
紐約
洛杉磯
其他美國地區
香港 台灣 北美
 
2018年08月11日

附近打工仔:下次又唔知邊度有事

會展站地盤昨下午有工人挖泥及運走泥土。李家皓攝

【本報訊】沙中綫會展站工程亦爆沉降醜聞,港鐵昨傍晚宣佈會展站停工前,《蘋果》記者在現場仍然看到地盤施工,多名市民直言感到擔憂。有市民指港鐵接連出現問題,已對港鐵失去信心,「下一次又唔知邊度有事」。除擔心安全問題,有小股東對港鐵前景亦感憂慮,正考慮放售手上股票。

相關新聞:事先審批索償調查報告草稿與公證行扯貓尾 港鐵涉詐騙

小股東考慮放售股份

港鐵工程問題不斷,從事財務策劃的陳小姐昨早到灣仔會展開會,她對再有沉降事件感到擔心,批評港鐵及政府未有履行監察角色,「我哋小市民根本冇嘢可以做到,出街宣洩遊行,佢又係咁,真係唔知可以點」。
陳小姐表示,以往港鐵管治良好,所以她持有港鐵股份,原打算再入貨,「但今次爆呢餐大鑊嘢,我真係好擔心,會唔會放(股票)就會睇定啲囉」。
港鐵5名高層日前因沙中綫醜聞下台,陳小姐認為安排合理,「落台係應該嘅,不過唔係𠵱家,搞掂單嘢先囉,唔係搞個爛攤子出嚟畀人執手尾」。
昨於灣仔碼頭搭船的鄧小姐則認為,沉降對本港所有市民均有影響,「大家都覺得危險,下一次又唔知邊度有事」,不少市民每日都需乘搭港鐵,「唔通下下搭巴士咩,巴士又有另一啲問題啦」。
在附近上班的張先生對事件感無奈:「擔心(沉降)都冇辦法㗎啦,有乜辦法箒,我哋市民又唔識建築個啲嘢。」另一巿民黎女士則對沉降感憂慮,「沉降當然唔係好啦,睇吓點解決到囉,擔心當然係有啦,個個都有啦。」
■記者趙雅婷、伍雅謙

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載