› 選擇地區
三藩市
紐約
洛杉磯
其他美國地區
香港 台灣 北美
 
2018年08月10日

隔牆有耳:建制擬阻阿尹 鄺神擔大旗 - 李八方

建制派有意推舉柯創盛接任房屋事務委員會主席,阿尹或者只能繼續做副手。

新一個立法年度10月開始,每年暑假尾段,建制泛民立法會議員都會坐埋,討論來年委員會正副主席點樣分配。今年都未埋枱,八方已經聽聞,建制派有意將輪任成為房屋事務委員會主席嘅民主黨尹兆堅,同埋福利事務委員會主席嘅鄺俊宇拉落馬,原因好似係兩個人太搶風頭,做埋主席,可能有建制擔心因此失色喎!

推柯創盛做委員會主席

事實上,普遍委員會都會採取建制泛民每人兩年嘅輪任方式。以房屋事務委員會做例子,工聯會麥美娟連續兩年出任主席,至於過去兩年嘅副主席就係尹兆堅。據過去經驗,下年度兩人就會換位,但有知情人士同八方講,房屋係今屆政府重中之重,作為房屋事務委員會嘅角色會相當吃重,佢哋希望唔好畀機會尹兆堅出風頭,所以有意推舉民建聯柯創盛接任;至於阿尹,或者只能繼續做副手。
同樣情況亦出現喺福利事務委員會,建制一向放手將委員會交畀泛民,過去兩年分別由邵家臻同鄺俊宇任正副主席。按慣例鄺俊宇下個立法年度將坐正,但有指建制對鄺神喺委員會表現有不滿,密謀到時拉佢落馬。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載