蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月04日
馬上成為壹會員

港故事:
「卜卜齋文青」儲舊物成狂

廣林叔被公認是成功生意人,但私底下的他卻是儲物狂,由100萬元購入的清朝乾隆粉彩纏枝描金象耳瓶,以至人棄我取的雜誌封面或舊日戲橋,他一律視為珍藏。廣林叔自稱「卜卜齋文青」:「人哋唔要嘅嘢,我留起佢,儲到日後就會有故事同歷史價值。」

相關新聞:港故事:「食飯要食清,唔留一粒米」

"一出即影即有,貴一貴都即刻買!"

廣林叔憶述童年最大娛樂是「掹住大人衫尾去睇戲」,當年九如坊、皇后戲院、娛樂戲院等中上環戲院都留下他不少足印,廣林叔說,每到傍晚時分,他便會守在戲院門口,「一個大人可以帶一個細路睇戲,拉衫尾入去後搵位坐,仲記得戲院擺木凳,乜人都會坐,搞到啲凳生晒木蝨」。當年西片無字幕,為提高吸引力,戲院商會派發「戲橋」講解影片內容、角色人物關係及演員介紹,「觀眾唔識聽西片,賣唔賣座都靠呢張嘢!」一般人看戲後隨手丟棄戲橋,但廣林叔卻會保存下來,現時仍有大批早年戲橋藏品,不時拿出鑑賞。
隨着年歲漸長,廣林叔興趣越廣泛,由收藏化石、錢幣、書籍、古玩,甚至迷上攝影,內地老牌相機廠海鷗雙鏡反光相機(圖)60年代中推出便買下,他俯視機頂取景器時笑言:「拜神咁樣,唔神心影唔到樣,哈哈!」即影即有相機大熱,他又忍不住買下,「平日影完三日先有相,一出即影即有,貴一貴都即刻買!」
近年廣林叔喜好趨於樸實,愛儲雜誌封面或漫畫書,旁人或視為廢紙垃圾,他卻看得通透,認為一段文字或一張街道背景照均是時代見證,「𠵱家幾多人有戲橋?問100個人100個都冇,同樣封面幾十年後,反映昔日香港風貌,我希望儲低畀後人睇到當年香港係點樣」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載