› 選擇地區
三藩市
紐約
洛杉磯
其他美國地區
香港 台灣 北美
 
2018年08月03日

爆相爆片:高速掟彎冇閂門 乘客險拋出車

人來人往嘅深水埗街頭,一架後座開住門嘅白色私家車高速掟彎,後座男人捉住道門幾乎跌喺地下(箭嘴示),三個男人追住架車。講緊嘅唔係電影戲碼,而係真人真事。前日下晝5點幾,深水埗桂林街港鐵站出口對開位置上演咗呢一幕,目擊者大多都未識得畀反應,私家車同三個追車者已揚長而去。

三人狂奔追截 撲朔迷離

讀者何先生前日揸車泊喺黃金電腦商場外等朋友,佢話過程只得一剎那,一開始見到車頭前方有一個孭背囊嘅男人由桂林街跑出,神情緊張企喺路中心,後方隨即傳出響胎聲。冇幾耐一部白色私家車喺何先生面前經過,「見到一架白色私家車好高速咁駛過嚟,後座車門打開咗,有個男人差唔多跌出嚟」,嚇到行人雞飛狗走。
何先生話,私家車高速掟彎,令左後座嘅男乘客差啲拋離車廂,雙腳伸出車外,場面驚險。原本孭背囊男人想攔截私家車但唔成功,而私家車未有收慢,繼續急轉入桂林街,男乘客竟成功返回車內,其後再有兩名孭背囊男人尾隨追截。但究竟發生乜嘢事呢?警方就話冇收過相關報告。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載