› 選擇地區
三藩市
紐約
洛杉磯
其他美國地區
香港 台灣 北美
 
2018年08月03日

爆相爆片:Round 1惡鬥乘客 Round 2亂拳襲警
醉大媽電車打擂台

鬧市出現電車擂台!前晚一架開往西環屈地街嘅電車,駛到銅鑼灣邊靈頓街時,車上一個帶酒氣嘅花裙姨懷疑同車長爭執大吵大鬧,有女乘客睇唔過眼上前勸阻,但被挑釁突然摑咗花裙姨一巴,戰線一觸即發,花裙姨馬上回擊,雙方打起上嚟,吸引電車內外市民觀戰,最終警察到場將花裙姨制服。

撞車長拒道歉 玩謝全車

乘客Bonnie話,前晚9點幾,電車車長指花裙姨用手撞佢,要求道歉,但對方唔肯,車長於是唔畀佢落車,飛一個站再停車;另一客曾小姐就指,花裙姨發癲唔畀車長開車,引致其他同車乘客被阻而不滿。佢仲喺車上大吵大鬧,其中一名受影響女乘客上前同花裙姨對罵,花裙姨出言挑釁:「你掂我吖!你試吓喇!」女乘客於是摑佢一巴,兩女點起戰火開打,就咁樣打起上嚟。其間有一對青年男女乘客分隔兩人,完結擂台第一回合,先摑人嘅女人走落車,激動花裙姨就留喺車上。
警員好快到場,但花裙姨仍然激動,雙手不斷向警員使出「亂拳」,開展第二回合。警員不斷叫佢冷靜,「你要控制自己,你再郁我就塔你」,但花裙姨繼續攻勢,警員㩒住佢塊面將佢按喺座位上雙手反鎖。只見花裙姨跪地不斷哭訴︰「我唔要你哋咁樣對我!」
電車公司發言人話當時一位乘客喺電車上吵鬧並拒絕離開車廂,稽查員隨即到場協助處理事件,涉事乘客及後與另一名乘客發生衝突。警方表示,當晚接獲36歲姓薛電車車長報案,指喺上址同有酒氣嘅46歲姓呂女乘客因事爭執,其間女乘客情緒激動,最終被送院,暫未有人被捕。

爆相爆片

#MeToo個個都要爆,但係唔一定要舉牌!只要你肯爆,無論好事、壞事、憤怒事,正嘢、衰嘢、古怪嘢,影低佢,《蘋果》幫你爆,更設爆相爆片大獎賞,除咗爆相畀$500、爆片送$1,000嘅基本獎賞外,仲會選出每周之星,每星期最高單日總點擊頭5名即刻科水$10,000,而每月15號至翌月14號期間獲得全月最高單日總點擊者,更可以成為每月盟主,額外獎賞$100,000,係$100,000!爆相爆片必須為本報獨家採用,一經刊登立即有獎!
爆相爆片WhatsApp:6383 6568

參加細則

1.爆相爆片必須由參加者拍攝。
2.若本報發現任何造假情況,將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利,如有任何爭議,以本報決定為準。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載