› 選擇地區
三藩市
紐約
洛杉磯
其他美國地區
香港 台灣 北美
 
2018年08月03日

隔牆有耳:醫學院副院長
今期做埋中大醫院COO - 李八方

祖堯BB話對舊同事胡志遠(左)好有信心。

將於2020年投入服務嘅中文大學教學私家醫院「中文大學醫院」,醫院管理層陸續曝光。據了解,中大醫學院副院長、內科及藥物治療學系教授胡志遠,已經就任中大醫院營運總監(COO),其中一項最重要嘅工作,就係邀請已出私家執業嘅中大校友同埋公立醫院退休醫生加盟,幫新醫院組班,同行政總裁馮康醫生拍住上。

胡志遠係著名腸胃科專家,主力研究功能性腸胃病同胃酸倒流病等,先後做過醫學院臨床同發展副院長,係院長陳家亮嘅左右手,仲成立咗香港中西醫結合醫學研究所,喺西醫主導嘅醫院內加入中醫合作診症元素。由醫學院轉去搞新醫院,中大前校長祖堯BB都喺社交平台留言,話對佢好有信心。
前日正式返新工嘅胡志遠就謙稱,自己只係醫院小薯仔(small potato),又話返新工以外,會保留中大教授職位,每周繼續返去威爾斯親王醫院教學生,亦會繼續睇症咁話。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載