› 選擇地區
三藩市
紐約
洛杉磯
其他美國地區
香港 台灣 北美
 
2018年08月02日

爆相爆片:超豪海皇粥 鮑魚……刷加料

「你又刷,我又刷,天天記住唔邋遢……」刷牙歌大家可能聽過,保持衞生固然係好,但有粥店職員一邊煲粥一邊用鮑魚刷喺煲邊枱面左刷右刷,會唔會反而唔衞生呢?上星期六晚(7月28號)9點幾,市民陳先生喺沙田好運中心嘅海皇粥店,見到呢一幕令人惡心嘅情景,搞到佢即時冇晒胃口,最慘係佢當時都買咗碗粥,最後食咗兩啖已經食唔落去。
陳先生話佢係第一次幫趁海皇粥店呢間沙田分店,估唔到就見到咁嚇人嘅場面,於是用手機影低經過,向《蘋果》爆片。當時佢買咗粥喺度排隊等餐,隔住玻璃見到廚房入面有三個盛載滾粥嘅煲,煲邊係高過枱面,灶面有積水同埋偶然滾得滯彈出嚟嘅粥水,有個職員喺度煮粥嗰陣,竟然攞住個鮑魚刷喺三煲粥旁邊嘅枱面來回係咁刷,等啲粥水唔好乾咗黐住煲邊難清理。
一邊煮粥一邊攞住鮑魚刷清潔已經令人反白眼,陳先生仲話,見到鮑魚刷刷完嘅污糟水,彈咗落啲粥度呀,直情想反胃!最後陳先生攞咗碗粥食咗兩啖,唔知係心理上形住食咗鮑魚刷粥,定真係啲粥污糟,佢話覺得啲味怪怪哋,唔想再食落去。

店方︰營業時間不應出現的刷

結果嗰晚陳先生返到屋企,瞓到凌晨兩點幾就覺得肚痛唔舒服,到凌晨4點左右佢電郵海皇粥店投訴㖭。事後粥店覆返佢,話多謝佢反映意見,仲話會跟進處罰番個員工,但陳先生覺得粥店係敷衍佢喎。
《蘋果》都有問海皇粥店點解會咁,業務經理曾先生解釋,佢哋有既定嘅清潔程序,所有職員都知嘅,就係用指定嘅不銹鋼鏟,用嚟清潔彈出嚟嘅粥渣,再用乾淨毛巾抹,因為一路煲粥會有機會滾瀉。而當晚用鮑魚刷嗰位同事入職個幾月,可能大意兼培訓不足,用錯咗個唔應該喺營業時間出現嘅刷,嗰個刷應該係收工後用嚟洗粥煲專用嘅。公司告誡咗嗰位同事之後,亦安排咗兩日再培訓畀佢。

爆相爆片

#MeToo個個都要爆,但係唔一定要舉牌!只要你肯爆,無論好事、壞事、憤怒事,正嘢、衰嘢、古怪嘢,影低佢,《蘋果》幫你爆,更設爆相爆片大獎賞,除咗爆相畀$500、爆片送$1,000嘅基本獎賞外,仲會選出每周之星,每星期最高單日總點擊頭5名即刻科水$10,000,而每月15號至翌月14號期間獲得全月最高單日總點擊者,更可以成為每月盟主,額外獎賞$100,000,係$100,000!爆相爆片必須為本報獨家採用,一經刊登立即有獎!
爆相爆片WhatsApp:6383 6568

參加細則

1.爆相爆片必須由參加者拍攝。
2.若本報發現任何造假情況,將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利,如有任何爭議,以本報決定為準。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載