› 選擇地區
三藩市
紐約
洛杉磯
其他美國地區
香港 台灣 北美
 
2018年07月27日

爆相爆片:天降飛竹
私家車為男途人擋一劫

正搭棚修葺嘅和富中心突然飛墮竹枝(紅圈示),險擊中途人。

建造業承建商有責任保障工人工作期間嘅安全,而街上巿民嘅命仔同樣要顧及㗎!北角和富中心做緊維修工程,大廈外牆搭晒棚架同圍網,噚日下晝約兩點,一男一女行過和富道時,有支竹突然從天而降,打中泊喺路邊一架私家車車頂,砰一聲斷開兩截再反彈落地,正正跌喺男途人腳邊。

劉先生咁啱揸車經過,車尾cam影到當時嘅情況,佢話唔敢落車睇:「啱啱先飛一支落嚟,點知會唔會再有嘢飛落嚟㗎!」有途人報警,阿Sir到場調查,懷疑支竹喺和富中心15座跌落嚟,於是聯絡57歲工程負責人了解,對方解釋有做到防範措施,喺地下有劃住危險範圍位置喎,最終阿Sir冇拉任何人。
喺車cam片睇到,地面的確戙咗幾個雪糕筒,但係唔係負責人所講劃咗嘅範圍就真係唔知嘞,總之支竹飛正喺個男途人側邊,各位大哥真係要小心啲呀。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載