› 選擇地區
三藩市
紐約
洛杉磯
其他美國地區
香港 台灣 北美
 
2018年07月20日

丁珮:佢鍾意我心地善良

丁珮借出李小龍1972年拍《猛龍過江》時所贈卡片。

【本報訊】鮮有在港露面的丁珮昨到訪《李小龍-動.漫.遊》展覽,捐出李生前卡片作為展品。她憶述,李小龍生前一直想邀請她合演,包括未完成的遺作《死亡遊戲》,但可惜一直未能合作。她又談到不少人將李小龍的死歸咎於她,「佢拍《死亡遊戲》,原來係同我玩,大家將責任推喺我身上,係冇得避免,我唯一可以係做好自己。」
1973年7月20日,李小龍在26歲影星丁珮九龍塘寓所內猝死,當時輿論對其死因有極大爭議。

相關新聞:逝世45周年展 影迷借出百件動漫作李小龍卡片 丁珮珍藏46年

稱曾為對方指導形象

李小龍在死前一年多,贈丁珮一張卡片,她保留至今,「當時我識佢幾個月,係佢拍《猛龍過江》嗰時,啲人幫佢整咗卡片,佢好開心,(卡片)冇地址冇電話,好簡單,佢貪得意畀張我。」
丁珮說當時她打扮前衞,李拍戲時亦靠她做形象指導,「頭髮我帶佢剪,平時啲衫我帶住佢去買。」當年李小龍一直想邀請她拍戲,可惜一直錯過機會,「佢初時搵我拍《冷面虎》,結果佢冇拍,亦都有搵我拍《龍爭虎鬥》,但我入咗醫院,之後又搵我拍《死亡遊戲》,但結果都係無緣同佢拍戲。」
李逝世45年,丁珮不時思念他,「如果我真係遇到好困難嗰時,有時都會諗吓佢,我當佢係良師益友。」李小龍贈予她的卡片左上方印了「以無法為有法,以無限為有限」字句,丁珮說,李小龍在生時說了很多話,當時她「唔識聽」,至李小龍死後她潛心學佛,才悟出一些哲理。
「好多事都係考驗」,丁珮說李小龍過身時,有人認為她應該「隨佢去」,但她認為不能放棄,「以前我唔鍾意自己,今日研究完(佛法),我知道李小龍點解鍾意我,起碼我心地善良,受過咁多打擊都捱過,所以路係要好好哋行落去。」
■記者周 婷

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載